Тараздың бас онколог дәрігері пара алғаны үшін сотталып жатыр

Тараз қаласының №2 сотында «Жамбыл облыстық көпбейінді онкология және хирургия орталығының» бас дәрігері пара алды деп хабарлайды Orda.kz.

Айбаз Алихановқа 400 мың теңге көлемінде пара алған деген айып тағылған. Тергеу деректеріне сәйкес, Алиханов жұмысқа қабылдау үшін қызметкерден ақша алған. Оның әрекеті  366-бабының 2-бөлігі бойынша сараланған. Дәрігер кінәсін мойындап, айыппұлмен құтылғысы келеді.

Айта кетейік, Айбаз Алиханов бұл қызметке 2022 жылы денсаулық сақтау басқармасының сол кездегі басшысы Асет Калиевтің бұйрығымен тағайындалған еді. Қалиевке де аса ірі көлемде пара алды деген айып тағылуда.

Бұған дейін Антикордың хабарлауынша, М.Оспанов атындағы Батыс Қазақстан медициналық университеті басқарма төрағасы мемлекеттік сатып алу шарттары бойынша медициналық жабдықтарға бюджет қаражатын кедергісіз аударғаны үшін 11,6 миллион теңге пара алған.