Тараздық судья Өтешова үш жылға бас бостандығынан айырылды

Тараз соты судья Фариза Өтешованы кінәлі деп тауып, үш жылға бас бостандығынан айырды, деп хабарлайды Orda.kz.

Әйел сот залында қамауға алынды.

Бұған дейін Orda.kz Тараз қаласының № 2 сотының судьясы Фариза Өтешованы Антикор ұстағанын жазған болатын. Ол сотталушыдан 2 миллион теңге алды деген күдікке ілікті. Өтешоваға қатысты ҚР Қылмыстық кодексінің 366-бабының 2-бөлігі «Пара алу» бойынша қылмыстық іс қозғалды.

Тілшіміздің хабарлауынша, судья мас күйінде рөлге отырып, жол апатына себепкер болған көлік иесінен ақша алды деп айыпталған.

Бұл ақша сотталушыны жүргізуші куәлігінен айырмау туралы сот шешімі үшін сыйақы ретінде алынған.