Тараздағы жарылыстан мерт болғандардың саны 9-ға жетті

Тараз маңындағы әскери қоймада болған жарылыстан тоғыз адам қаза тапты.

Бұл туралы Orda.kz Төтенше жағдайлар министрлігіне сілтеме жасап хабарлады.

– Жамбыл облысы Байзақ ауданында орналасқан әскери бөлімде болған жарылыс салдарынан соңғы мәліметтер бойынша 9 адам қаза болды. Оның ішінде Төтенше жағдайлар министрлігі, әскери бөлім, әскерилендірілген күзет пен әскери прокурорлар бар. Қаза болғандардың аты-жөні анықталып жатыр. Жоғалған 4 адам туралы деректер тексерілуде, - деді Төтенше жағдайлар министрлігінің ресми өкілі Талғат Уәли.

Алдын ала мәлімет бойынша, ауруханаға Төтенше жағдайлар министрлігінің 49 қызметкері түскен.

Оқиға орнында министр бастаған Төтенше жағдайлар министрлігінің жедел тобы жұмыс істеуде.

Тағы бірнеше адам жоғалып кеткен. Іздеу жұмыстары жүргізілуде.

Еске салсақ, Жамбыл облысы Байзақ ауданында орналасқан әскери бөлімде 26 тамыз шамамен 19:00 -де қоймалардың бірінің жанында өрт шыққан. Өрт нәтижесінде инженерлік оқ-дәрі бірнеше жарылған. Барлығы 10-ға жуық жарылыс болды.