Тараздағы жарылыста тағы бір адам көз жұмғаны белгілі болды

Қорғаныс министрлігі Жамбылдағы өрт салдарынан тағы бір адам көз жұмғаны белгілі болды дейді.

Бұл туралы Orda.kz хабарлады.

– Өрт сөндіру бөлімінің бастығы, келісімшарт қызметінің кіші офицері, 1992 жылы туған Нәдірбеков Еркін Ерікбайұлы инженерлік оқ-дәрі қоймасындағы өртті сөндіру жұмысын тікелей бақылаған. Белгілі болғандай, ол жарылыс кезінде оқиға орнында қайтыс болған. Ол 27 тамызда таңертең қайда екені белгісіз әскери қызметшілердің тізімінде болды, - делінген хабарламада.

Қорғаныс министрлігі марқұмның отбасы мен жақындарына қайғыларына ортақтасып, көңіл айтады. Қорғаныс министрлігі оның отбасына қажетті көмек көрсетеді.