Тараздағы жарылыс. Министр қасақана өртеу мүмкіндігін жоққа шығармады

Қорғаныс министрі Нұрлан Ермекбаев Жамбыл облысындағы әскери қоймада орын алған жарылыстардың себебі қасақана өртеу болуы мүмкін екенін жоққа шығармады.

Бұл туралы Orda.kz хабарлады.

Ол Жамбыл облысы Байзақ ауданында орын алған жарылыс себептерін қазір құрылған жедел-тергеу тобы анықтап жатқанын айтты.

- Біз алдын-ала болжам бойынша әртүрлі себептерді жоққа шығармаймыз. Бұл қауіпсіздік талаптарын бұзу, өздігінен жану, химиялық реакция болуы мүмкін. Сондай-ақ қасақана өртеу немесе диверсия болуы да мүмкін, - деді Ермекбаев баспасөз мәслихатында.