Таразда тендер ұтып алған  депутаттың жұмысы тұрғындарды шошытты

Таразда депутат көпқабатты үйлердің маңындағы аумақты абаттандыру бойынша бірнеше тендерді ұтып алған. Оған да көз жұмуға болар еді... Бірақ атқарылған жұмыстар тұрғындардың көңілін құлазытты, олар көз алдымызда бәрі қақырап  жатыр деп шағымданды.

15-ші ықшамаудандағы көпқабатты үйлердің тұрғындары қазірдің өзінде көз алдарында қирап жатқан ойын алаңының күйін көріп шошып отыр. Балалар әткеншек теппек түгілі, құмсалғышта да ойнай алмайды. Қараңызшы, сіздің басыңызға бірдеңе құлауы мүмкін. Мердігердің мұндай жұмыс сапасына көз жұмып қарап отыруға  болмайды дейді халық. Қазірдің өзінде шұңқыр пайда болып, су  басып жатқан тас жолды  да халық сапасыз деп санайды. Тұрғындар сантиметр алып, талап етілетін 5 сантиметрлік жол төсемінің стандарты сақталмағанын анықтады. Ол аздай, қиыршық тастың (22 см) және құмның (10 см) қажетті нормасы  мүлдем жоқ.

— Мынау мүлдем қорқынышты. Мұны қалай қабылдауға болады. Соның барлығын түсіріп, интернетке салдық. Бірақ қазір шенеуніктер істің шешімін емес, кімнің шектен шыққанын анықтап жатыр. Олар мұны қала әкімдігінің бөлім қызметкері жасады деп ойлап, керісінше бізге көмектесіп, сөзімізді тыңдап алып, енді, естігенім, жазаға тартқысы келеді. Жаңа Қазақстан қайда? Барлығы ескі әдіспен жұмыс істейді, - дейді № 27 үйдің тұрғыны Айман (аты-жөні өзгертілген-ред).

Абаттандыру бойынша тендерлерді «ЛЕНОН» өндірістік-сауда кәсіпорны» ЖШС-нің белгілі бір серіктестігі жүргізгені белгілі болды. Бұл серіктестіктің басшысы – Тараз қалалық мәслихатының депутаты Әлішер Кәрімов. Мемлекеттік сатып алу порталындағы ақпаратқа сәйкес, «Сүлейменов кентінің аяқ жағындағы 80 пәтерлі тұрғын үйдің учаскелік инженерлік желілерін салу және абаттандыру» лоты бойынша абаттандыру мен жол салуға (құрылысына) 31 986 183 теңге бөлінген.

Ал нысанға тапсырыс беруші «Тараз қаласы әкімдігінің құрылыс бөлімі» КММ 2019 жылдың соңында жұмысты қабылдап алған.

Тараздан ақпарат берген: Исламбек Дастан