Таразда әскери бөлімнен 19 жасар сарбаз қашып кетті

Таразда түнгі кезекшілік кезінде бөлімнен қашып кеткен 19 жастағы сарбазды төртінші тәулік іздеу жұмыстары жүргізілуде.

Ақпарат «Хабар24» сайтында жарияланды деп хабарлайды Orda.kz.

Нұрасыл Арысбаев түнгі сағат үш шамасында ешкімді ескертпей, бөлімді тастап, белгісіз бағытта кетіп қалған. Механикаландырылған бригаданың жауынгері қызметтің жарты мерзімін өтеген. Бөлімде сарбазды салмақты деп сипаттайды. Сарбазда қару болмады.

— Әскери бөлімді өз еркімен қалдырып кеткен сарбазды табу үшін үлкен іздеу шаралары жүргізілуде. Жамбыл облысы бойынша 19 іздеу тобы құрылды. Тараз гарнизонының құқық қорғау органдары мен әскери полициясы жұмылдырылды. Оның бөлімнен қалай кетіп қалғаны анықталуда. Бейнебақылау камераларының барлық жазбалары зерттеледі, - деді ҚР ҚМ медиа орталығы Тараз гарнизоны баспасөз қызметінің жетекшісі Дина Мухаринова.

Туыстарының айтуынша, олар жігітпен соңғы рет 20 наурызда сөйлескен.

Толықтыру: Қорғаныс Министрлігі сарбаздың табылғанын мәлімдеді.