Таразда шенеуніктер бірдей заңбұзушылық үшін қалай әртүрлі жазаланды

Біреуі жұмыстан босатылса, екіншісіне сәйкессіздік берілді - құрылыс жұмыстарын мемлекеттік сатып алу саласындағы бірдей заң бұзушылықтары үшін лауазымды тұлғалар әртүрлі жазаға тартылды.

Тараз қаласы әкімдігі құрылыс бөлімінің басшысы Ержан Бабақұлов құрылыс жұмыстарын мемлекеттік сатып алу кезінде заң бұзушылыққа жол бергені үшін сотталды. Ол қалада үй салып жатқан «Бином» ЖШС-не құрылысты аяқтау актісіне жұмыс аяқталмаса да  қол қойған. Бұл ретте, қалалық прокуратураның мәліметінше, кәсіпорынға 125,6 млн теңге көлемінде ақша түскен.

Дәл осындай заң бұзушылықты Қордай ауданы әкімдігінің сәулет, қала құрылысы және құрылыс бөлімінің тағы бір басшысы Елдос Меңдекеев жасады. Ол бірден үш ЖШС-ң  «орындалған жұмыс актісіне» орындалмаған жұмыстар үшін  қол қойды. Аудандық прокуратураның мәліметінше, нысандарды тексеру барысында аяқталмаған жұмыстардың жалпы құны 135 млн теңге болған. Рас, бүгінде департамент екі ЖШС-мен ғана қаражатты қайтару туралы сотқа арызданған.

Нәтижесінде, Әдеп жөніндегі кеңес тәртіптік істерді қарау кезінде Бабақұловқа «қызметтік талаптарды толық орындамағаны туралы ескерту» түріндегі тәртіптік жаза қолдану ұсынылды. Бірақ Меңдекеевке «мемлекеттік қызметінен босату» ұсынылған.

Авторы: Исламбек Дастан