Таразда үш бала оқ жарақатымен ауруханаға жеткізілді

Таразда үш кәмелетке толмаған бала оқ жарақатымен ауруханаға жеткізілді.

Бұл туралы Жамбыл облысы ПД баспасөз қызметі хабарлады.

— Тараз полиция басқармасына облыстық балалар ауруханасына оқ-дәрі жарақатын алған үш кәмелетке толмаған бала жеткізілді деген хабарлама келіп түсті. Аталған факті бойынша сотқа дейінгі тергеу амалдары жүргізілуде, - делінген хабарламада.

Күдікті анықталып, ұсталды.

— Қазіргі уақытта кәмелетке толмағандардың денсаулығы тұрақты, олардың өміріне ешқандай қауіп жоқ. ҚР ҚІЖК - нің 201-бабына сәйкес тергеу мүддесіне байланысты істің мән-жайы жария етілмейді, - деп атап өтті полицияда.