Таразда мектеп оқушысын зорлаған жасөспірімдерге үкім шықты

Таразда 12 жастағы қызды зорлаған 14 пен 16 жас арасындағы жасөспірімдер 7 жыл 8 айға бас бостандығынан айырылды, деп хабарлайды Orda.kz  

Осыдан алты ай бұрын жәбірленушінің анасы Orda.kz редакциясына хабарласып, жан түршігерлік жайтты айтып берген еді.

Бүгін Жамбыл облысының қылмыстық істер жөніндегі мамандандырылған ауданаралық соты кәмелеттік жасқа толмаған үш балаға қатысты үкім шығарды.

Осыдан алты ай бұрын жәбірленушінің анасы Orda.kz редакциясына хабарласып, жан түршігерлік жайттарды айтып берген еді. Әйелдің айтуынша, көрші тұратын жасөспірімдер оның қызын бірнеше рет зорлап, бәрін бейнежазбаға жазып алған. Ең сорақысы осы оқиғадан соң анасының полицияға берген мәлімдемесіне қарамастан, айыпталушылар бостандықта жүрген.

Оқиға жария болғаннан кейін іске адвокат Әлия Арзымбетова араласты. 

«Сіздерге көп рахмет! Егер сіздер болмағанда, әділдікке жете алмас едім. Көмектеріңізге, қолдауларыңызға, жанымда болған кездеріңізге шын жүректен ризамын», –  деп мектеп оқушысының анасы журналистерге алғысын білдірді. 

Айта кетейік, қылмыс жасалған кезде жасөспірімдер 14 пен 16 жаста болған. Сот отырысы жеті айға созылды.

Еске сала кетсек, Семейде өз оқушысын зорлаған әскери дайындық пәнінің мұғалімін сот кінәлі деп танығаны жайлы жазған едік. Алайда ол кінәсін мойындамай, апелляциялық шағым түсірді.

Балаларға жыныстық зорлық-зомбылық көрсету жалпы қоғам үшін өте ауыр мәселелердің бірі болып тұр. Былтыр ғана ҚР ішкі істер министрлігі статистика және арнайы есептер комитетінің мәліметтерінде кәмелетке толмағандарды зорлау бойынша 97 оқиға тіркелген. Ал оларға осы жыныстық сипаттағы күштеу әрі зорлық-зомбылық бойынша 87 оқиға тіркелді. Он алты жасқа толмаған адаммен жыныстық қатынас немесе басқа жыныстық сипаттағы 138 оқиға тіркелді.