Таразда қыз алып қашқан екі жігіт жеті жылға сотталды

Таразда қыз алып қашқан екі ер адам жеті жылға сотталды

Бұл туралы Жамбыл облысының прокуратурасы хабарлайды.

«Тараз қаласының №2 сотының үкімімен Маңғыстау және Ақтөбе облыстарының тумалары қалыңдық ұрлау фактісі бойынша сотталды. 21 қыркүйекте сот үкімімен күйеу жігіт те, оның досы да осы баптың 2-бөлігінің 1-тармағы бойынша кінәлі деп танылды. Қазақстан Республикасы Қылмыстық кодексінің 125-бабы бойынша сотталып, жеті жылға бас бостандығынан айырылды» делінген хабарламада.

2022 жылдың көктемінде «Ж» есімді азамат ортақ достары арқылы бір қызбен танысқаны белгілі болды. Бірнеше кездесуден кейін бойжеткен сөйлесуден бас тартты. Осыған қарамастан, «Ф» одан әрі некеге тұру үшін қызды алып қашуға шешім қабылдады. Ақпан айында олар Таразда құрбысымен бірге қызды алдап, күштеп көлікке отырғызып, қаладан шықпақ болған. Қыздың айғайын естіген көршілері полиция шақырған.

«Ұрлау, оның ішінде қыз алып қашу адам құқықтарын және бостандық пен теңдіктің негізгі принциптерін бұзу екенін атап өткен жөн. Осыған байланысты прокуратура адам ұрлаудың ауыр қылмыс болатынын ескертеді, ол іс жүзінде бас бостандығынан айырумен жазаланады» деп еске салды прокуратура.