Таразда ұйымдасқан қылмыстық топ мемлекетке 10 млрд теңге зиян келтірді

Жамбыл экономикалық тергеу департаментінің қызметкерлері жүргізген жедел-іздестіру іс-шараларының нәтижесінде ұйымдасқан қылмыстық топтың 2009-2020 жылдарғы әрекетін әшкереледі. Олар Тараз аумағында нақты жұмыс жасамай және тауар жеткізбей жалған шот-фактуралар беру бойынша заңсыз қызмет көрсеткен. Бұл туралы ORDA Комитеттің баспасөз қызметіне сілтеме жасап хабарлайды.

Тергеу барысында 10 адамнан тұратын қылмыстық топ, сондай-ақ бақыланатын заңды тұлғалардың басшысы ретінде тікелей тіркелген қатысушылар контрагенттер-сатып алушыларды іздестіру, екінші деңгейлі банктердегі қаражаттарды қолма-қол ақшаға айналдыру және т.б. анықталды.

Қылмыстық іс-әрекет нәтижесінде мемлекетке келтірілген залал мөлшері 10 млрд. Тәркілеуді қамтамасыз ету үшін бақыланатын кәсіпорындардың қаражаттарына жалпы сомасы 1 миллиард теңгеден астам тыйым салынды.

Қазіргі уақытта қылмыстық іс аяқталып, сотқа жіберілді.