Таразда экс-полицейдің жаншылған басы мен шынтағы жоқ денесі табылды

Таразда «Жеңіс» саябағында басы жаншылып, шынтағы кесілген ер адамның мәйіті табылды деп хабарлайды Orda.kz.

Марқұм ер адамның денесін саябақтың маңынан өтіп бара жатқан келіншек көріп қалып, полицияға хабарласқан. Ер адамның басы жаншылған,  шынтағы кесілген. Қазіргі таңда полиция істі тергеп жатыр.

 «Полиция Тараз қаласының бір ықшамауданында ер адамның мәйітінің табылғанына байланысты «Адам өлтіру» бабы бойынша қылмыстық іс қозғады. Қайтыс болған адамның жеке басы анықталды»,   деп мәлімдеді полиция басқармасы. 

Сонымен қатар, күдіктіні анықтау және ұстау бойынша жедел-іздестіру шаралары жүргізіліп жатыр.

Сондай-ақ, марқұмның кейбір туыстарының айтуынша, ер адам бұрын полиция қызметкері болып істеген.