Таразда есірткі сатпақ болған полиция бөлімінің басшысы ұсталды

Тараз қаласында Жамбыл облысы полиция департаментінің ұйымдасқан қылмыспен күрес басқармасының бөлім басшысы ұсталды, деп хабарлайды Orda.kz.

Алдын ала мәлімет бойынша, Ұлттық қауіпсіздік комитеті қызметкерлері оны екі келі гашишті сатуға әрекеттенді деген күдікпен қолға түсірген. Ұстау арнайы жедел-іздестіру іс-шаралары аясында жүргізілген.

Қазір аталған факті бойынша сотқа дейінгі тергеп-тексеру басталды. Тергеу мүддесіне байланысты өзге ақпарат жария етілмейді.

Айта кетейік, Өскеменде автобус жүргізушісі рөлде отырып жан тапсырды.