Таразда екі көлік соғылып, көше тазалаушыны өлтірді

16 ақпанда сағат 11.08-де Тараздағы Әл-Фараби - Ниетқалиев көшелерінің қиылысында жол апаты орын алып, әйел адам қайтыс болды, деп хабарлайды ORDA. Жамбыл облысы ПД баспасөз қызметіне сілтеме жасап.

BMW-520 және Volkswagen Passat көліктерінің соқтығысуы көшедегі жол тазалаушы әйел адамның өлімімен аяқталды.

«Осы уақытта «Жасыл ел - Тараз» қалалық ұйымының қызметкері осы қиылыстағы аумақты тазалап жатқан. Соқтығысу кезінде автокөліктердің біреуі жолдың шетіне ұшып шығып, нәтижесінде әйел адамды қаққан. Әйел оқиға орнында қайтыс болды», - деп түсіндірді тәртіп сақшылары.

Облыстық полицияның баспасөз қызметі аталған факт бойынша ҚР Қылмыстық кодексінің «Абайсызда адам өліміне әкелген жол қозғалысы ережелерін бұзу» бабы бойынша сотқа дейінгі тергеу басталғанын хабарлады.