Таразда аялдамада тұрған адамдарды көлік қағып кетті

Таразда аялдамада тұрған адамдарды көлік қағып кетті. Екі адам оқиға орнында қаза тапқан.

Бұл туралы Orda.kz хабарлайды.

Жамбыл облысы ІІД мәліметінше, оқиға 15 қыркүйекте болған.

– Таразда Сейфуллин көшесімен Момышұлы көшесіне қарай келе жатқан жолда жеңіл автокөлік жүргізушісі төрт жаяу жүргіншіні қағып кетті. Жол-көлік оқиғасы салдарынан екі жаяу жүргінші оқиға орнында қайтыс болды, екеуі Тараз қалалық №1 ауруханасына жатқызылды, - делінген хабарламада.

Полиция Қылмыстық кодекстің 345-бабы 4-бөлігі бойынша сотқа дейінгі тергеу жүргізуде. Құқық қорғау органдарының мәліметінше, 23 жастағы жүргізуші анықталып, ұсталды. Тергеу шаралары жүргізілуде. Сараптама тағайындалды.