Таразда 32 жастағы ер адам өзіне от қойып, көз жұмды

Тараз қаласының 32 жастағы тұрғыны өзіне от қойып, қайтыс болды, деп хабарлайды Orda.kz.

12 қазан күні таңертең ер адам Құлан ауылындағы Ақжайық көшесінде үстіне жанармай құйып, өзіне от қойған. Куәгерлердің айтуынша, ол жанған күйінде көпірге қарай жүгіріп, үйінің маңына жеткен сәтте сол жерде жан тапсырған.

Т.Рысқұлов аудандық полиция бөлімі бұл дерек бойынша ҚР Қылмыстық кодексінің 105-бабы («Өзін-өзі өлтіруге итермелеу») бойынша сотқа дейінгі тергеу басталғанын хабарлады.

Полицияның ресми ақпаратына сәйкес, «2025 жылғы 12 қазанда 1993 жылы туған Тараз тұрғыны Е. есімді азаматтың өзіне жанар-жағармай құйып, от қойған фактісі тіркелді. Қазір тергеу амалдары жүргізіліп жатыр».

Айта кетейік, бұған дейін Маңғыстау облысында мерзімді әскери қызмет атқарып жүрген сарбаз қаза тапқан еді.