Таразда 18 жыл бойы іздеуде жүрген шетелдік ұсталды

18 жыл бойы мемлекетаралық іздеуде жүрген шетелдік Таразда ұсталды, деп хабарлайды Orda.kz порталы.

Жамбыл облысы ПД экстремизмге қарсы іс-қимыл басқармасының қызметкерлері жедел-іздестіру іс-шараларын жүргізу кезінде 18 жыл бойы қашып жүрген және Қазақстан шекарасын заңсыз өткен шетелдікті ұстады.

«Бұл азаматқа қатысты 2006 жылдан бері көрші мемлекеттің аумағында қасақана кісі өлтіргені үшін мемлекетаралық іздеу жарияланғаны белгілі болды. Шетелдік азаматқа қамауда ұстау түріндегі бұлтартпау шарасы тағайындалды. Қазіргі уақытта оны қылмыстық жауапкершілікке тарту мақсатында Өзбекстан Республикасы аумағына экстрадициялау туралы мәселе қарастырылып жатыр» делінген хабарламада.