Таразда 131 млн теңге бюджет қаражаты үнемделді

Мұндай нәтижеге «Әділдік жолы» республикалық қоғамдық бірлестігінің Жамбыл облысы бойынша филиалы – сыбайлас жемқорлыққа қарсы жоба волонтерлері қол жеткізді, деп хабарлайды Orda.kz тілшісі.

Жұмыс барысында Тараз қалалық мектептен тыс жұмыс және балалар шығармашылығы орталығы мен «Н.Сәтенов» жеке кәсіпкері арасындағы келісім-шартта көрсетілген тауарлар бағасы жоғары болғаны анықталды.

Тексеріс кезінде аталған тауарлардың нақты көлемін анықтау мақсатында (өндіріс құралдары мен шаруашылық құрал-жабдықтарын сатып алу) шарт бойынша 551,6 млн.теңге тауардың орташа құны 419,9 млн.теңге болатыны анықталды.

Құзырлы органдар анықталған кемшіліктерді растап, нәтижесінде 131,7 миллион теңге Тараз қалалық білім бөліміне қайтарыуға мәжбүр болды.

Барлық заң талаптары бойынша шаралар қолданылып, нәтижесінде сот аталған іс бойынша 131,7 млн ​​теңгені бюджетке қайтару туралы шешім шығарды. Шешім заңды күшіне енді.