Таразда 100 млн асатын сома талан-таржыға түскен

Тараз қаласында әкімдік қызметкерлері 100 миллион теңгеден асатын соманы талан-таржыға салған.

Бұл туралы Тараз қаржылық мониторинг агенттігі хабарлады.

Жамбыл облысында Қаржы мониторингі агенттігі облыс прокуратурасымен бірлесіп жүргізген іс-шараларының нәтижесінде Тараз қаласы әкімдігінің қаржы бөлімінің лауазымды тұлғалары тарапынан орын алған бірқатар заң бұзушылықтар бойынша сотқа дейінгі тергеп-тексерулер басталды.

Қалалық әкімшілік қызметкерлері мемлекетке ресми құжаттарды бұрмалау арқылы түскен тауарлық-материалдық құндылықтардың есепке алынбағандығын пайдаланып, мекеменің балансындағы сот үкімімен шыққан коммерциялық жылжымайтын мүлік түріндегі және халық тұтынатын тауарлар түріндегі мүлікті заңсыз алып, иеліктен шығарған.

Қазіргі уақытта жедел-іздестіру шаралары және тиісті сараптамалар жүргізілуде, оның қорытындысы бойынша процессуалдық шешімдер қабылданатын болады.