Таразда 10-сынып оқушысын бір топ ұл соққыға жығып, көзінен айырды

Таразда 10-сынып оқушысы төбелес кезінде көзінен айырылды. Оған ота жасалды. Қазір ауыр жағдайда жатыр. Сотқа дейінгі тергеу басталды, деп хабарлайды Orda.kz КТК арнасына сілтеме жасап. 

Оқиға Тараз қаласындағы мектептердің бірінде болған. Сабақ арасындағы үзіліс кезінде 15 жастағы 10-сынып оқушысын 9-сынып оқушылары ұлдар шешінетін бөлмеге алдап кіргізген.

Кейін төбелес бірден басталып кеткен. Зардап шеккен оқушының досы көмектесуге тырысқанын, бірақ оны өзге ұлдар ұстап қалғанын айтты.

Анасына айтуынша, шабуыл жасағандардың қолында темірге ұқсас зат болған.

Жамбыл облыстық полиция департаменті «Денсаулыққа қасақана ауыр зиян келтіру» бабы бойынша сотқа дейінгі тергеу бастаған. Күдікті ұсталып, уақытша ұстау изоляторына қамау шаралары қабылданып жатыр.

Оқи отырыңыз:

• Өрт ішінде қалған балаларды полицейлер ажалдан арашалап қалды
• Шерзат ісі: Тоқтаубаев пен Қалиахметтің үкімі өзгеріссіз қалды
• Алматыда колледж студентінен туберкулез анықталды