Тараз университетіндегі студенттер жатақханадағы жағдайға шағымданды

Дулати атындағы Тараз өңірлік университетінің технологиялық кешенінің №1 жатақханасында тұратын студенттер жағдайға шағымданды, деп хабарлайды Orda.kz порталы.

Бұған білім бөлімінің басшылығы жауап қатып, Orda.kz сайтына түсініктеме берді.

Видеода душ және кір жуу орындарының күйі көрсетілген. Сондай-ақ кір жуғыш машиналары да ескі.

«Барлық бес қабатқа бір кір жуғыш машина. Әрқашан ұзын-сонар кезек. Жуғаннан кейін киімнен иіс шығады және түсі өзгереді. Мен екі аптадан бері киімімді жуған жоқпын. Душта мұздай су ағып тұр... Шағымдансақ, бізге қазандықтың суы таусылды дейді», – деп жазылған әлеуметтік желіде. 

Студенттердің айтуынша, олар екі айдан бері жуынбаған.