Тараз қаласы әкімдігі конкурссыз 4,6 млрд теңгеге келісімшарт жасаған
Тараз қаласы әкімдігі тікелей бір дерекөздерден сатып алу бойынша 4,6 млрд теңгеге келісімшарт жасады.
Құны 4,6 млрд теңгені құрайтын келісімшарттардың тапсырыс берушісі – «Жамбыл облысы Тараз қаласы әкімдігінің тұрғын жай-коммуналдық шаруашылық, жолаушы көлігі және автомобиль жолдары бөлімі» коммуналдық мемлекеттік мекемесі. Тапсырысты орындаушы – «Жасыл Ел-Тараз» жауапкершілігі шектеулі серіктестігі.
Келісімшарт мақсаттары: Тараз қаласы көшелерін санитарлық тазалау және күтіп ұстау, Тараз қаласындағы кәріз сорғы стансаларына, су бұрқақтарына және сумен жабдықтау жүйелеріне техникалық қызмет көрсету, қала аумағын абаттандыру, көшелерді мен саябақтарды, алаңдарды, орамішілік аумақтарды тазалау, сондай-ақ қоқыс шығару бойынша қамтамасыз ету қызметі, қысқы уақытта жолдарды күтіп ұстау.
Айта кетейік, «Жамбыл облысы Тараз қаласы әкімдігінің тұрғын жай-коммуналдық шаруашылық, жолаушы көлігі және автомобиль жолдары бөлімі» коммуналдық мемлекеттік мекемесінің басшысы мен оның орынбасары екі түрлі қылмыстық іспен сот алдында жауап беруде. Ұлттық қауіпсіздік комитеті бөлімінің орынбасары болған Мақсат Нұржанов 1,2 млн пара алған жерінен ұсталып, сотта толық кінәсін мойындады және 4 жылға сотталды.
Ал бөлім басшысы болған Зият Тұрсынұлы мен «ЕрК Астана» ЖШС басшысына қатысты қылмыстық іс әлі күнге дейін сотта қаралап жатыр.
Осы уақытқа дейін Тараз қаласы әкімдігі бөлімдерінің конкурссыз келісімшартқа тұруы туралы бірнеше рет жазған болатынбыз. Жыл басында Жамбыл облысы әкімі Нұржан Нұржігітов жиын өткізіп, конкурссыз келісімшартқа тұрған жағдайда «жұмыстан қууға дейін барамыз» деп қатаң ескерткен болатын. Бұл үшін жауапкершілік арқалар ма екен? Оны уақыт көрсетеді.
Автор: Арсен Жақсылық
Жаңалықтар
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды