Тараз маңындағы жарылыс: облыс әкімі Сапарбаев мәлімдеме жасады

26 тамыз күні Жамбыл облысы Байзақ ауданында орналасқан әскери бөлімде шамамен 19.00-де қоймалардың бірінің маңында өрт шыққан. Өрт салдарынан әзірге белгісіз, қоймадағы заттар жарылып, әскери бөлімге жақын орналасқан тұрғындар эвакуацияланды.

Бұл туралы Orda.kz хабарлайды.

Жамбыл облысының әкімі Бердібек Сапарбаев брифингте Байзақ ауданында орналасқан әскери бөлімдегі жарылыстардан кейін эвакуацияланған тұрғындар бүгін үйіне қайтарылуы мүмкін екенін айтты. Ол үшін жағдай тұрақтануы керек.

– Жарылыс болған жерде жақын тұрған үш елді мекен бар. Оның ең жақыны орналасқаны – Қайнар. Қалған екеуі 7 шақырым жерде орналасқан. Осы үш елді мекенде барлығы 718 адам тұрады. Тұрғындардың барлығы дерлік біз дайындаған 10 мектеп, 5 колледж жатақханаларына орналастырылды, - деді әкім.

Облыс әкімі Бердібек Сапарбаев егер жағдай тұрақты болса, эвакуацияланған тұрғындардың үйіне қайтарылатынын жеткізді.