Тараз әкімінің экс-орынбасары Қайсар Сарытай Грузиядан экстрадицияланады

Халықаралық іздеу жарияланған Тараз қаласы әкімінің бұрынғы орынбасары Қайсар Сарытай Грузиядан экстрадицияланады. Бұл туралы ҚР Сыбайлас жемқорлыққа қарсы іс-қимыл агенттігі хабарлады.

Жамбыл облысы бойынша аумақтық департаменті ҚР Қылмыстық кодесінің 362-бабы бойынша сыбайлас жемқорлық қылмыстарын жасады деген күдікпен Тараз қаласы әкімінің бұрынғы орынбасары Сарытай Қ. А. -ға халықаралық іздеу жариялады.

«Халықаралық ынтымақтастық аясында жүргізілген жедел-іздестіру іс-шаралары нәтижесінде Грузияның құқық қорғау органдары ҚР ІІМ Сыбайлас жемқорлыққа қарсы қызметі және Интерпол ҰБО-мен бірлесіп, Қ.А.Сарытайды ұстады. Ол Грузия территориясында қамауға алынды» деді Сыбайлас жемқорлыққа қарсы қызметтің баспасөз қызметі.

Министрлік қазіргі уақытта Тараз қаласы әкімінің бұрынғы орынбасарын Қазақстанға экстрадициялау рәсімі жүріп жатқанын атап өтті.