Тараз аумағы екі есеге кеңейеді

Жамбыл облысы Тараз маңындағы 14  елді мекен қалаға қосылып, қала аумағы екі есеге артады.

Бұл ақпарат «Ашық НҚА» сайтында жарияланды.

Жаңа жоба аясында қала құрылысы қайта қаралады. Орталық бөліктерде көпқабатты және орташа қабатты ғимараттар салынады. Ал солтүстік аудандарда биік ғимараттар бой көтереді. Оңтүстік бөлік көпқабатты құрылысқа арналады.

Кеңейтілгеннен кейін Тараздың халқы 150 мың адамға көбейіп, 573 мыңға жетеді. Енді Тараз Қазақстандағы жарты миллионнан астам халқы бар алтыншы қала болады.