Танысын өлтіріп Ресейге қашып кеткен күдіктілер құрықталды

Жеке араздық негізінде танысын өлтірді деген күдіктілер Ресейден экстрадицияланды, деп хабарлайды Orda.kz. 

Оқиға Шымкентте болған, үш ер адам алдын ала таныстарын өлтіру туралы өзара шешім қабылдаған. 

«2023 жылдың қаңтарында үш сыбайласымен бірге олар жеке араздыққа бола танысын өлтіруді жоспарлаған. Оқиға Шымкентте болды. Пистолет, металл таяқшалар және шоқпармен қаруланған күдіктілер түнде зардап шегушінің үйіне кіріп, терезелерді сындырып, қолғап пен бетперде киіп оған қатігездікпен бірнеше жарақат салған», – деп түсіндірді Бас прокуратура.

Шабуыл кезінде пәтерде болған басқа адамдар да зардап шеккен. Аяусыз жарақат алған таныстары жедел-жәрдем көлігінде жан тапсырды.

Қылмыс орнында екі күдікті ұсталған, қалған үшеуі Қазақстаннан қашып, халықаралық іздеуге жарияланған. 2024 жылдың көктемінде олардың біреуі Ресейде ұсталып, Қазақстанға экстрадицияланды.  Ал қалған күдіктілер Мәскеу облысында жазда ұсталып, Бас прокуратураның сұрауымен Ресейден экстрадицияланды.  

Енді оларға15 жылдан 20 жылға дейін түрмеде отыру немесе өмір бойы бас бостандығынан айыру жазасы тағайындалуы мүмкін.