Танымал театр және кино актрисасы Баян Имашева дүниеден өтті

Қазақстанның еңбек сіңірген қайраткері, театр артисі Баян Имашева өмірден өтті, деп хабарлайды Orda.kz.

Актриса Баян Имашева 1941 жылы дүниеге келген, Түркістан облысының тумасы. Актриса 1964 жылдан бері  Мұхтар Әуезов атындағы Қазақ мемлекеттік академиялық драма театрында қызмет атқарған.

«Бойындағы сахна шеберіне тән ойлылылық пен даралық, театрға, өнерге деген адалдығы - қазақ театр өнерінің қарашаңырағы Мұхтар Әуезов атындағы Қазақ ұлттық драма театрының сахнасында жүзден аса рөл мен қазақ тарихындағы сан тағдырлы әйелдер бейнесін сомдады. Өнегеге толы өмірін өнерге арнаған саналы ғұмырында актрисаның қазақ театры мен киносына, мәдениетіне қосқан үлесі өлшеусіз деп білеміз», - деп еске алуда театр қызметкерлері.

Orda.kz редакциясы жақындарына қайғыра көңіл айтады.