Танымал экстрасенс қабылдауына жоғары лауазымды тұлғалар қандай мәселемен көбірек келетінін айтты

Экстрасенс, медиум Али Хайдар өзінің қабылдауына жоғары лауызымды адамдар жиі келетінін айтты.

Ол бұл туралы журналист Абылайхан Өмірбайға берген сұхбатында айтты.

"Иә, әрине, келеді. Жоғары соттан да адам болған. Мәжілісте  отырған адамдар да болған. Біраз жақтан келеді. Мен олардың аттарын айтпаймын. Бұл – құпия. Ал былай көп келеді. Әртүрлі сұрақ. Мен анық тек бір сұрақпен келеді деп айта алмаймын. Әркімнің проблемасы әртүрлі", - деді ол. 

Экстрасенстің сөзінше, лауазымды тұлғалар негізінен жол ашу бойынша жүгінген.

"Енді сіздер білесіздер, олар жоғары лауазымды адам болғандықтан, жоғары көтерілген сайын негатив көп болады. Сен жақсылық істе, қайырымдылық істе, бәрібір негативке түсесің. Ол заңдылық. Соларды тазартуға келеді. Кейде олар біреулерді алып келіп жатады. Ондай да бар. Жын кірген кезде де алып келіп жататындары бар", - деді Али Хайдар.