Танымал блогер терезеден секіріп, мерт болды

Өзбекстандық 23 жастағы блогер терезеден секіріп, ажал құшты, деп хабарлайды Orda.kz Uznews-ке сілтеме жасап. 

Қайғылы оқиға 11 желтоқсаннан 12 желтоқсанға қараған түні Самарқандта болған. Гузали Махматқұлова 8-қабаттың терезесінен секірген.  Мәліметтерге сүйенсек, ол күйеуі мен енесі тарапынан тұрмыстық зорлық-зомбылық пен психологиялық қысымның құрбаны болған екен. 

Келіншек косметолог болып жұмыс істеген және блогерлікпен айналысқан. Ол көктемде тұрмысқа шыққан. Гузали Махматқұлованың оқырмандары келіншектің тұрмыстық зорлық-зомбылық құрбаны болғанына сенімді. Тіпті оның денесінен көгерген белгілерді де көрген. Сонымен қатар қайын енесі оған физикалық және эмоционалдық зорлық-зомбылық көрсетті деген болжам бар. Блогер достарымен хат жазысып, соңғы уақытта «өлгісі» келіп жүргенін де айтақан. Ал келіншектің туыстары Гузалидің өз-өзіне қол жұмсағанына сенбей отыр.