Тамыз айында еліміздің бірқатар өңірінде құрғақшылық болады

Қазгидромет 2024 жылдың тамыз айына арналған құрғақшылық болжамын жариялады, деп хабарлайды Orda.kz.

Синоптиктер республиканың солтүстігінде, солтүстік-батысында және шығысында жаңбыр жауады деп болжап отыр. Атап айтқанда:

• Солтүстік Қазақстан, Қостанай, Ақмола және Павлодар облыстарының басым бөлігінде;

• Ақтөбе облысының Әйтеке би, Қарғалы, Мұғалжар және Хромтау аудандарында;

• Шығыс Қазақстан облысының Катонқарағай және Күршім аудандарында.

Еліміздің үш аймағында құрғақшылық күтілуде, атап айтқанда:

• Балқаш ауданының оңтүстік бөлігінде және Алматы облысының Жамбыл ауданының солтүстік бөлігінде;

• Жамбыл облысының Мойынқұм және Талас аудандарында;

• Қызылорда облысының Қармақшы ауданында.

 Қалған аумақта ылғалдылық қалыпты шекте болады.