Тамды ауылының әкімі жарықтың сөну себебін атады

Тамды ауылының әкімі Рауан Асқаров 24.kz тілшісінің сұрағына жауап берген видео әлеуметтік желілерде тарады. Онда әкім неге жарық сөнетіні туралы айтқан.

Бұл туралы Orda.kz хабарлады.

Әкім тілшіге қарғалардың трансформаторға келіп, соғылатындарын түсіндірді.

Әкім мен журналист арасындағы диалог төмендегідей болды:

- Қарға трансформаторда жанып кетеді, кернеу береді, жарық сөнеді.

- Қарға? Алақанның көлеміндей құс?

- Ол ұшып келе жатып, қанаттары темірге тиеді.

- Қарға жақындамайтындай етіп қоршау керек шығар.

- Қоршалған.

- Енді бұл мәселені қалай шешуге болады?

- Мәселе... Мен оны қалай шешуге болатынын білмеймін.

- Ауданнан сұрау керек пе?

Бұл жауапқа Kaznet қолданушыларының бірі күлсе, бірі ашуға бой алдырды. Көптеген комментаторлар биліктің мұндай қадағалауына әбден үйреніп қалғанын атап өтті.

Еске салсақ, бұған дейін Ерейментау әкіміне кандидат Сапар Барлыбаев қызу талқыға түскен. Ол сөзден қате жіберіп, дау астында қалды. Әкімдікке үміткер халыққа «өз өмірімді жақсы жаққа өзгертемін» деген. Ол видео да әлеуметтік желі де тараған. Айта кетерлігі, соған қарамастан Барлыбаев Ерейментау қаласының әкімі сайлауында жеңіске жеткен.