«Тамақты жақсылап жаса!»: Өзбекстанда қайын атасы келінінің басын шауып тастады

Бас прокуратураның мәліметінше, Ферғана облысында 64 жастағы қайын атасы кешкі астан пайда болған тұрмыстық жанжалдан кейін келінін айуандықпен өлтірген.

Бұл туралы Gazeta.uz сайтына Өзбекстан бас прокуратурасының баспасөз қызметі хабарлады.

Ферғана облысының Күштепа ауданында тұрмыстық кикілжің кезінде 64 жастағы қайын атасы келінінің басын кесіп алған.

Ведомствоның мәліметінше, қылмыс 1 қазанда болған. Жанжал екеуі тұратын Хумдон махалласындағы бір үйде басталған. Қария келінінің кешкі ас әзірлеп жатқанын көріп, «оған жақсырақ тамақ пісіруді бұйырған».

Келін тамақты қолынан келгенше дайындайтынын айтып, бұл кешкі асты қалай болғанына қарамастан жейміз деп жауап берген. Сосын ол есікті тарс жауып, есіктегі әйнек сынған.

Тергеу мәліметінше, қайын атасы келінінің мінезіне ашуланып, ас үйге кіріп, қолымен оның мойнынан ұрып, салдарынан қыз есін жоғалтқан.

Осыдан кейін ер адам оны көлікпен Ферғана облысындағы Оқбілол ауылының таулы аймағына алып кеткен. Сол жерде ес-түссіз жатқан Г.К.-ның мойнын тұрмыстық пышақпен басын денесінен ажыратып кесіп, сол арқылы қасақана кісі өлтірген.

«Ол кесілген басын полиэтилен пакетке салып, мәйітті қоқыс полигонына тастап, Алтыарық ауданындағы Файзобод ауылындағы «Тожиали обод» шаруа қожалығының аумағында аршалардың арасына тығып қойған» деп хабарлады Бас прокуратура.