«Тамағын әйнекпен кескен»: Жаңа туған сәбиін өлтіріп, дәретханаға тастаған әйел ұсталды

Қырғызстанда сәбиін өлтіріп дәретханаға тастап кеткен 19 жастағы келіншек ұсталды, деп хабарлайды Orda.kz.

Қайғылы оқиға Қырғызстанның Баткен облысында болған. 29 мамыр күні дәретханадан сәбидің мәйіті табылды. Анасы нәрестені таңертең босанып, көп өтпей әйнекпен тамағын кесіп, дәретханаға лақтырған. 

ТЖМ қызметкерлері нәрестені дәретханадан шығарды. Дәрігерлердің айтуынша, сәби тірі туылған. Бірақ алған жарақатынан дәретхана ішінде көз жұмған. Оқиға орнынан қан болған әйнектің сынығы табылды.

Күдікті келіншек аудандық ауруханада емделіп жатқан жерінен табылды. Оны полиция қамауға алды. Қазіргі уақытта тергеу амалдары жүріп жатыр.

Айта кетейік, ақпан айында Өзбекстанда қоқыстан денесінде жарақаттары бар жаңа туған сәбидің мәйіті табылған еді.