«Талибандар тізе бүккенше соққы береміз»: АҚШ генералы мәлімдеме жасады

АҚШ «Талибандарға» қарсы күресіп жатқан Ауғанстан әскеріне әуе күштерімен қолдау көрсетеді.

Бұл туралы Orda.kz хабарлайды.

Генерал Кеннет Маккензидің мәліметінше, Ауғанстанның қазіргі үкіметі елді талибандардан қаншалықты қорғай алатыны алдағы күндері белгілі болады. Еске салайық, содырлар Кабул маңындағы провинцияларды басып алған еді.

Сондай-ақ, АҚШ президенті Джо Байден Америка әскерін қыркүйекке қарай толық шығаратынын мәлімдеді.

– Менің ойымша, талибандар Кабулға шабуылды бұрыннан жоспарлап жүрген. Соңғы бірнеше күн бойы содырларға қарсы әуе шабуылын күшейттік. Осылайша, ауған әскеріне дем беріп жатырмыз. Талибандар тізе бүккенше соққыларды тоқтатпаймыз, - деді АҚШ Әскерінің аймақтағы қолбасшысы.