Талибандар Путиннің ТМД елдеріне жасаған ескертуіне жауап берді

«Талибан» қозғалысының өкілдері (Қазақстанда тыйым салынған ұйым) Ресей президенті Владимир Путиннің «Ислам мемлекеті» содырларының (ДАИШ, ИМ - Қазақстанда тыйым салынған ұйымдар) бар екеніне алаңдаушылық білдірген мәлімдемесіне қатысты пікір білдірді.

Бұл туралы Orda.kz OLOnews телеарнасына сілтеме жасап.

Жұма күні, 15 қазанда ТМД мемлекет басшылары кеңесінің отырысында Путин ДАИШ  содырларының 2 мыңға жуық мүшесі Ауғанстанның солтүстігінде шоғырланғанын айтты.

– Олардың көшбасшылары Орталық Азия мемлекеттері мен Ресей аймақтарына өз ықпалын таратуды жоспарлап отыр. Олар этникалық және конфессиялық қақтығыстар мен діни араздықты қоздыруға әрекет жасайды. Террористер босқындардың атын жамылып, бейбіт елге кіруге тырысады, - деді Ресей президенті.

Путин тәліптерді ресми түрде мойындауға асықпауға шақырды.

Талибан мәдени комиссиясының мүшесі Анамулла Самангани Ауғанстанның солтүстігінде ДАИШ содырларының бар екендігі туралы ақпарат шындыққа жанаспайтынын айтты.

– Осыған байланысты айтылған қорқыныш негізсіз. ДАИШ Ауғанстанның кез келген бөлігінде халықтың қолдауына ие емес, - деді Самангани.

Өз кезегінде, Талибан тағайындаған үкіметте сыртқы істер министрінің міндетін атқарушы Амир Хан Муттаки халықаралық қауымдастықтың Талибан үкіметін мойындамауы ДАИШ содырларының қолында екенін айтты.

– Ауғанстандағы жаңа мемлекеттің ресми түрде мойындалмауы ДАИШ-ке тиімді. Бір жағынан, шет мемлекеттер бізге ауғандықтарды елден кетпеу үшін бақылауда ұстау керектігін айтады. Бұл Ауғанстанның немесе бүкіл әлемнің мүддесіне сай емес, - деді Муттаки.

Ол әлемде билікті күшпен немесе төңкеріс нәтижесінде тартып алған, бірақ мойындалған, жүзінде билік мәртебесіне ие мемлекеттер бар екенін айтты.