Талибандар Панджширдің бірнеше ауданын басып алғанын мәлімдеді

«Талибан» (Қазақстанда тыйым салынған ұйым) қозғалысының өкілі Панджширдегі төрт бақылау бекеті мен бірнеше ауданды басып алғанын мәлімдеді.

Бұл туралы Orda.kz хабарлайды.

– «Талибан» содырлары (Қазақстанда тыйым салынған ұйым) Панджширдің бірнеше ауданын және төрт бақылау бекетін басып алды. 30дан астам адам қайтыс болды, ішінде 3 командир бар, - деді Забиулла Муджахид.

Панджшир Кабулдың солтүстік-шығысындағы биік тауларда орналасқан Талибан бақылауынан тыс жалғыз провинция болып қала береді. Ахмад Масудпен келіссөздер сәтсіз аяқталған соң, тәліптер әскери операцияны бастады.