Талибандар бейбіт тұрғындарға шабуыл жасай бастады

CNN телеарнасының хабарлауынша, Талибандар Ауғанстанның Фараб провинциясында төрт баланың анасын ұрып өлтірген. Содан кейін олар жалғызбасты әйелдің үйін өртеп жіберген.

Бұл туралы Orda.kz Экспресс К-ға сілтеме жасап хабарлады.

- Үйге 15 бұзақы кіріп, анама тамақ дайындауды бұйырды. Анам кедей тұратынымызды, үйде тамақ жоқтығын айтқанда олар оны ұра бастады. Артынша анамды автоматпен атып өлтірді, - деді марқұм әйелдің 25 жастағы қызы.

Еске салсақ, Кабулдан 150 шақырым жерде орналасқан Жалалабадта тәліптер наразылық білдірушілер тобына оқ жаудырып, үш адамды өлтіріп, оншақты адамды жарақаттады.

Сондай-ақ, 18 тамызда тәліптер бұрынғы үкіметті қолдайтын төрт ауған қолбасшысын көпшілік алдында атып өлтірген. Әлеуметтік желі қолданушыларының айтуынша, бұл оқиға Кандагарда болған.

Бейнежазбаны желіде жергілікті журналист жариялаған. Кадрларда провинция орталығының стадионының жанында мыңдаған адам жиналғанын көруге болады. Тілші адамдардың көпшілік алдында жазалау үшін жиналғанын айтады.

– Талибандар Кандагар стадионында Хашим Регвал есімді генерал Раззакқа жақын төрт көрнекті командирді өлтірді, - деп жазды журналист Мүсілім Ширзад.

Taliban execute four famous commanders in the Kandahar’s stadium, including a close one to General Razaq named Hashim Regwal. pic.twitter.com/RF5OiMrilb

— Muslim Shirzad (@MuslimShirzad) August 18, 2021

Талибан - Қазақстан Республикасының аумағында тыйым салынған террористік ұйым.