Талибандар бала ұрлаған бес адамды өлтіргенін хабарлады

Талибан* қозғалысының содырлары бала ұрлығымен айналысқан бес күдіктіні қақтығыс кезінде өлтіргенін хабарлады. Ақпаратты Аamaj News агенттігі ақпаратты Twitter парақшасында жариялады.

Бұл туралы Orda.kz хабарлайды.

13 қыркүйекке қараған түні ауғанстандық бірнеше БАҚ Мазари-Шарифтегі қақтығыс туралы жарыса жазған. Журналистер оны талибандардың өзара қақтығысы болуы мүмкін деп топшылаған.

#تازه
مقام امنیتی طالبان در بلخ به آماج نیوز: پنج آدم‌ربا را کُشتیم

یک مقام امنیتی طالبان در شهر مزارشریف می‌گوید که دیشب در نتیجه عملیاتی در ساحه دشت شور مربوط به حوزه نهم شهر مزارشریف، پنج تن از آدم‌ربایان در نتیجه درگیری کشته شدند و چهار کودک ربوده شده آزاد گردید.#آماج_نیوز pic.twitter.com/5XNNjA7GHx

— Aamaj News (@AamajN) September 13, 2021

Кейінірек Талибан* қозғалысының қауіпсіздік қызметі Мазари-Шарифтің тоғызыншы ауданы Дашт-э-Шурда арнайы операцияның болғанын, нәтижесінде кәмелет жасқа толмаған төрт жеткіншектің босатылғанын хабарлаған. Олардың айтуларына қарағанда, бала ұрлаушылар тобында төрт ауғандық ер азамат пен бір өзбек әйел болған. Барлығы сол жерде қаза тапқан.

Талибан* - Жоғарғы соттың шешіміне сәйкес Қазақстанда тыйым салынған қозғалыс