Талибандарға бағынбаған жалғыз провинция қалды

«Талибан»* Ауғанстанның Панджшер провинциясын басып алу үшін жүздеген жауынгер жіберді.

Бұл туралы Orda.kz хабарлады.

Бұл тәліптердің бақылауынан тыс қалған жалғыз аудан.

— Егер проблемаларды өзара түсіністік арқылы шешу мүмкін болмаса, соңғы шешім соғыс болып қала береді, - деді Талибан* өкілі Мұхаммед Наим әл-Хадас телеарнасына берген сұхбатында.

Олар шабуыл жасауға бұйрық күтіп отыр.

Панджшер провинциясы Кабулдың солтүстік-шығысында орналасқан. Ол жерде этникалық өзбектер мен тәжіктерден тұратын Талибанға қарсы коалиция құрылды. Олардың саны он мың адамнан асады. Талибандарға қарсы қозғалысты маршал Достумның ұлы Яр Мұхаммед Достум мен Ахмад Шахтың ұлы Масуд Ахмад Масуд басқарады.

22 тамызда талибандар Масудтан Панджшерді босатуды талап етіп, төрт сағат уақыт берді. Масуд тәліптерге берілетін ниеті жоқ екенін айтты.

— Біз өз өмірімізді қиюға дайынбыз, бірақ біз жеріміз бен абыройымыздан бас тартпаймыз, - деді олар.

CNN мәліметінше, Кабул әуежайында 20 мыңнан астам адам бар. Көбісі елден ұшып кете алмайды. Олар қиын жағдайда эвакуацияны күтуге мәжбүр: адамдарға су, тамақ жетіспейді және көбінесе ұйықтайтын орын жоқ. Сонымен қатар, көшеде үнемі атыс дыбыстары естіледі. Куәгерлердің айтуынша, бұл адамдарды тыныштандыру үшін ескерту ретінде қолданылуда.

«Талибан»* қозғалысы – Қазақстан аумағында тыйым салынған террористік ұйым