Талибан университеттерінде әйелдер жазған кітаптарды оқытуға тыйым салынды

Тәліптер университет бағдарламаларында студенттерді әйелдер жазған барлық кітаптармен оқытуға тыйым салды. Сонымен қатар адам құқықтары мен жыныстық зорлық-зомбылық сабақтарын оқытудан бас тартты, деп хабарлайды Orda.kz.

Талибанда 680-ге жуық басылым «алаңдаушылық тудыратын» кітаптар тізіміне енген. Олардың 140-ын әйелдер жазған. Биліктің пікірінше, бұл кітаптардың мазмұны шариғат қағидаттары мен жаңа жүйенің саясатына қайшы келеді. Жоғары оқу орындарына ресми идеологияға «тура келмейтін» 18 пәнді тоқтату туралы нұсқау берілді.

Оқу басылымдарын тексеру жөніндегі комиссияның өкілі үкімет жанындағы Әділет министрінің бұрынғы орынбасары Закия Аделидің еңбектерін де тексеріп шықты. Ауған әйелдерінің шығармаларынан басқа, университет бағдарламаларынан ирандық авторлар мен баспалардың материалдары да алынып тасталады. Енді билік оқуға болатын кітаптарды өздері жазып бермекші. 

Бұған дейін тілшіміз Ауғанстандағы қазақтар жайлы жазған болатын. Бір жыл бұрын тамыз айында «Ауғанстан қазақтарының мәдени қоғамы» атты қоғамдық ұйымның ресми тіркеуден өтті. Orda.kz ауған қазақтарына хабарласып хал-жағдайын сұрастырды.