Талибан Түркиядан көмек сұрап жатыр

«Талибан»* Түркияға шетелдік әскерлер кеткеннен кейін Кабул әуежайын басқаруға техникалық қолдау көрсету туралы өтінішпен жүгінді.

Бұл туралы Orda.kz Reuters-ке сілтеме жасап хабарлады.

Екі түрік шенеунігі «Талибанның»* Түркияға шетелдік әскерлер кеткеннен кейін Кабул әуежайын басқаруға техникалық көмек сұрап жүгінгенін айтты. Бірақ олардың өтінішіне қарамастан, «Талибан»* Анкарадан тамыздың аяғында контингентін толығымен алып тастауды талап етуде.

Ресми тұлғалардың бірінің айтуынша, ел үкіметі бұған дейін Кабул әуежайын сақтап қалу мүмкін деп мәлімдегеніне қарамастан, «Талибан» шарты Түркияны қиын жағдайға душар етеді.

- Талибан Кабул әуежайын басқаруда техникалық қолдау сұрады. Түрік қарулы күштерінсіз жұмысшылардың қауіпсіздігін қамтамасыз ету қиын болады, - деді Түркияның жоғары лауазымды шенеунігі.

Оның айтуынша, «Талибанның» барлық түрік әскерлерінің кетуіне деген талабы кез-келген миссияны қиындататынын атап өтті. Тәліптермен аталған мәселе бойынша келіссөздер жалғасуда және осы уақытта әскерлерді шығаруға дайындық аяқталды.

Тағы бір түрік шенеунігі соңғы шешім 31 тамызда шетелдік әскерлер елден кетіп, Ауғанстанда 20 жылдық шетелдіктердің әскери экспансиясы тоқтатылған кезде қабылданады деп мәлімдеді.

Шетелдік күштер ел бақылауын тәліптер тапсырғаннан кейін, Кабул әуежайын ашық ұстау Ауғанстанның әлеммен байланыста болуы үшін ғана емес, сонымен қатар жергілікті тұрғындарға көмек көрсету, операцияларды қолдау үшін де маңызды.

• «Талибан»* қозғалысы – Қазақстан аумағында тыйым салынған террористік ұйым