Талибандар Орта Азия елдерінің тұтастығын бұзбауға уәде берді

8 шілдеде Мәскеуге келген Ауған талибандарының делегаттары Ресей үкіметінің өкілдеріне Орталық Азия елдерінің тұтастығын бұзбауға уәде берді. Мәлімдеме Ресей Сыртқы істер министрлігінің ресми сайтында жарияланған.

Бұл туралы Orda.kz хабарлайды.

Келіссөздер кезінде Ресей президентінің Таяу Шығыстағы арнайы өкілі Замир Кабулов елдің солтүстігіндегі жағдайдың тұрақсыздығына алаңдаушылық білдірді. Делегация мүшелері Орталық Азия мемлекеттерінің шекаралары мен ел аумағындағы шетелдік өкілдіктердің қауіпсіздігіне кепілдік берді.

Делегация өкілдері барлық этностардың мүдделерін ескере отырып, келіссөздер жүргізу арқылы елде тұрақты бейбітшілікке қол жеткізуге мүдделі екендіктерін, сондай-ақ исламдық нормалар шеңберінде адам құқықтарын, оның ішінде әйелдерді құрметтеуге дайын екендіктерін растады.

Сонымен қатар, бұл топтың Ауғанстандағы ДАИШ қаупімен күресу және азаматтық соғыс аяқталғаннан кейін елде есірткі өндірісін жою туралы берік шешімі баса айтылды.

Сондай-ақ, Қырғыз-тәжік шекарасындағы әскери қызметекерлер арасында атыс болды.

Қырғызстан Республикасы Ұлттық қауіпсіздік мемлекеттік комитеті Шекара қызметі баспасөз қызметінің хабарлауынша, оқиға шамамен кешкі сағат 17:00-де болған.

– Қырғызстан Республикасы Ұлттық қауіпсіздік мемлекеттік комитеті Шекара қызметі шекарашыларының күзет отряды Баткен облысы Лейлек ауданындағы Наумин асуы аймағында қырғыз-тәжік шекарасы бойында қызмет еткен.  Чашмагилдан асуы аймағында кенеттен тәжік шекарашылары шабуыл жасады. Әскери қызметкерлер арасында атыс болды, - делінген ведомство хабарламасында.

Оқиғаның себептері мен мән-жайларын білу үшін оқиға орнына Қырғызстан Ұлттық қауіпсіздік мемлекеттік комитетінің Баткен облысы бойынша Шекара қызметінің бастығы полковник Кыялбек Төлонбаев пен қауіпсіздік органдарының басшылары аттанғаны айтылды.

– Тараптардың шекара өкілдері осы факт бойынша тергеу жұмыстарын жүргізуде, - деп қорытындылады департамент.