«Талибан» ұйымының басшысы халықаралық қауымдастыққа үндеу жасады

Ауғанстан премьер-министрінің міндетін атқарушы Мохаммад Хасан Ахунд халықаралық қауымдастықтан көмек сұрап, 10 миллиард доллар көлеміндегі қаражат керек екенін айтты.

Deutsche Welle агенттігінің мәліметінше, Талибан басшысы (Қазақстанда қозғалысқа тыйым салынған) жаппай ашаршылық қаупімен күресіп жатқан халықаралық қайырымдылық ұйымдарын «көмектен бас тартпауға» шақырды. Билікке келгеннен кейінгі алғашқы телебағдарламасында Дохада АҚШ-пен кездесуі алдында үкімет басқа елдердің ішкі істеріне «араласпайды» деп уәде берді.

– Біз мүмкіндігінше халықтың мәселесін шешуге тырысамыз. Біз барлық бөлімшелерде артық жұмыс жасаймыз, - деді Ахунд.

Ол Ауғанстандағы ашаршылықты, жұмыссыздықты және қаржылық күйреуге АҚШ қолдаған үкімет жеткізді деп айыптады.

Премьер-министр оның үкіметі сыбайлас жемқорлық мәселесімен күрескенін айтты. Сондай-ақ, бірнеше айдан бері айлық ала алмай жүрген мыңдаған мемлекеттік қызметкерлердің жалақысын қалай төлеуге болатыны жөнінде жұмыс жүргізілуде.

– Біз барлық халықаралық қайырымдылық ұйымдарының көмектен бас тартпауын және қажыған халқымызға көмектесуін сұраймыз, - деді Хасан өз сөзінде.