Талибан Ауғанстанның экс-президентін қамауға алды

Талибан Ауғанстанның экс-президенті Хамид Карзай мен ұлттық қауіпсіздік кеңесінің басшысы Абдулла Абдулла Кабулда үйқамаққа алды.

Бұл туралы Orda.kz CNN телеарнасына сілтеме жасап хабарлайды.

Дереккөздің айтуынша, дүйсенбіде «Талибан»* экс-президенті Карзайдың күзетін қарудан айырып, оның көліктерін тәркілеген. Ал сәрсенбіде қозғалыс Абдулланың үйіне тінту жүргізіп, оны күзеттен айырып, көліктерін тартып алды.

«Карзай мен Абдулла қазір «Талибан» билігінің қорғауынсыз үй қамауына алынды» делінген телеарна сайтындағы хабарламада.

Бұған дейін ауған БАҚ өкілдерінде айтқандай, «Талибан»* қозғалысы құрайтын Ауғанстанды басқару жөніндегі кеңеске Карзай, Абдулла, сондай-ақ ислам партиясының жетекшісі Гүлбеддин Хекматияр кіреді. Кеңес құрамындағы 12 адамның ішінде «Талибан»* саяси қанатының жетекшісі Абдул Ғани Барадар және «Талибан» әскери комиссиясының басшысы Моулави Якуб бар.

Сонымен қатар, CNN дереккөзінің ақпараты бойынша АҚШ Ауғанстанан өз азаматтарын эвакуациялауды 36 сағаттан кейін доғарады.

• «Талибан»* қозғалысы – Қазақстан аумағында тыйым салынған террористік ұйым