Талибан Ауғанстанның екінші ірі қаласы Кандагарды басып алды

Талибан қозғалысы Ауғанстанның екінші ірі қаласы Кандагарды басып алды, деп Талибандардың баспасөз хатшысы Забихулла Мужахид Twitter-де жариялады.

Бұл туралы Orda.kz хабарлады.

Бұған дейін үкімет күштері Кандагарға бара жатқан Газни қаласының басып алынғанын растаған.

Кейін Ауғанстан билігі Кандагардың басып алынғанын растады. Қала 12 тамызда кешке берілді. Жергілікті билік пен олардың айналасындағылар Қандагардан кету үшін әуежайға қашып кетті деген болжам бар.

Ауғанстанның ұлттық татуласу жөніндегі Жоғарғы кеңесінің басшысы Абдулла Абдулла елдегі жағдайды ауыр деп атады. Катардың Доха қаласында Ауғанстанға қатысты кездесуде «соңғы жылдардағы ауған халқының жетістіктері қауіп астында» делінді.

11 тамызда «Талибан» қозғалысы Кандагар қаласындағы түрмені басып алып, жүздеген тұтқынды босатқаны хабарланды. Дәл сол күні содырлардың олар басып алған қала бөлігінде ауған әскери қызметшілерін тазарту туралы жариялағаны белгілі болды: олар жергілікті тұрғындардан жасырынған сарбаздарды беруді талап етті, әйтпесе «шариғат бойынша жаза қолданамыз» деп қорқытты.