Талибандар Ауғанстандағы Deutsche Welle журналисінің туысын өлтірді

Ауғанстанның батысында Талибан (Қазақстанда және басқа елдерде тыйым салынған ұйым) Deutsche Welle (DW) телерадиокомпаниясының журналистінің жақын туысын өлтірді.

Бұл туралы Orda.kz lenta.ru сайтына сілтеме жасап хабарлады.

Басылымының айтуынша, ақпаратты DW өз сайтында жариялаған.

Белгілі болғандай, Талибандар сол кезде Германияда болған журналисті іздеген. Бірақ орнына оның екі туысын тапқан. Біреуі жарақат алған.

Журналистің қалған жақындары соңғы сәтте қашып үлгерген. Олар қазір жасырынып жүр. Компанияның бас директоры Петер Лимбург бұл оқиғаны айыптап, Германия үкіметін «шешуші шара қолдануға» шақырды.

– Біздің қызметкерлердің бірінің туысының Талибан тарапынан өлтірілуі қазіргі уақытта журналистер мен олардың отбасы үшін Ауғанстанда болу қаншалықты қауіпті екенін көрсетеді, - деді Лимбург.

Хатта елден кеткісі келетін қызметкерлердің «қудалауға, қамауға алуға, азаптауға және өлімге» ұшырайтыны айтылған. Хатқа Die Zeit, Der Spiegel, Шекарасыз репортерлер, Süddeutsche Zeitung, Frankfurter Allgemeine Zeitung және т.б. қол қойған.

Бұған дейін Ауғанстан журналистерін қорғау комитеті жергілікті БАҚ қызметкерлерінің өміріне қауіп төніп тұрғанын айтқан.