«Талибанға» бағынбаған соңғы аймаққа шабуыл басталды

Бұған дейін талибандар қарсыластарына төрт сағат уақыт ішінде орындалуға тиіс талап шарттарын (ультиматум) қойған болатын.

Бұл туралы Orda.kz хабарлайды.

«Талибан»* Панджшер провинциясындағы соңғы қарсыласу күштерін қоршай бастады. Бұл туралы Талибан өкілі Забихулла Муджахи мәлімдеді.

«Талибан» спикері осы уақытқа дейін бұл бағытта шайқастар болмағанын атап өтті.

— Біз Панджшер үшін бейбіт шешім табамыз деп үміттенеміз, — деді ол.

22 тамызда «Талибан»* көтерілісшілерге талап шарттарын қойған болатын. Талап бойынша олар төрт сағаттан кейін ерікті түрде берілуге тиіс, өйтпеген жағдайда шабуыл басталады. Кейінірек талибандар Пандшерге «жүздеген» жауынгер жібергенін айтты.

Естеріңізге сала кетейік, Панджшер провинциясында талибандарға қарсы өзін мемлекет басшысы деген Ауғанстан вице-президенті Амрулла Салех, маршал Достумның ұлы Яр Мұхаммед Достум мен Ахмад Шахтың ұлы Ахмад Масуд басқарады.

«Талибан»* қозғалысы – Қазақстан аумағында тыйым салынған террористік ұйым