Тальго пойызы енді Оралға дейін барады

2024 жылдың 19 қыркүйегінен бастап, тұрғындардың өтінішінен соң  «Астана-Ақтөбе» №81/82 Тальго пойызының бағыты Орал қаласына дейін ұзартылды.

Бұл туралы Қазақстан теміржолы хабарлады.

Енді пойыз күнара қатынайтын болады. Жаңа құрам 350 жолаушы тасымалдауға қабілетті және 15 станция бар,  оның ішінде Астана, Қостанай, Ақтөбе және Орал сияқты ірі қалаларда тоқтайды. Пойыз билеттерін қазірдің өзінде bilet.railways.kz сайтынан және «Жолаушылар тасымалы» АҚ билет кассаларынан сатып алуға болады.

Қосымша ақпарат алу үшін жолаушылар 1433 тегін нөміріне қоңырау шала алады немесе «Жолаушылар тасымалы» АҚ-ның ресми іnstagram-аккаунтына кірсеңіздер болады.