Талғардағы жасөспірімнің өлімі: Айтбек Амангелді марқұмның отбасына адвокат ұсынды

Талғарда қайғылы жағдайда қаза тапқан 16 жастағы жасөспірімнің отбасына Салтанат Нүкенованың ағасы құқықтық көмек берді. Қоғамдық қорғаушы Айтбек Амангелдінің бастамасымен іске үш адвокат пен құқық қорғаушы Саида Тәукелеваның қатысатыны белгілі болды, деп хабарлайды Orda.kz.

Адвокаттар тегін, «про боно» негізінде қызмет көрсетеді. Бұл туралы Амангелді:

«Мемлекет тарапынан ұсынылатын кезекші адвокаттар емес, бізбен бұрынғы қылмыстық істерде бірлесе жұмыс істеген кәсіби команда іске кіріседі», – деді Айтбек Амангелді.

Еске сала кетсек, Облыстық прокуратура 7 адамның ұсталғаны жайлы мәлімдеме жасады.

Бұған дейін Orda.kz Талғар қаласында марқұмның жақындары мен басқа да адамдардың көшеге шығып, жолды жауып, наразылық көрсеткені жайлы жазған болатын. Олар 13 адам ұсталуы керек екенін, қазір 7 адам ғана ұсталғанын айтты.